‘Эрүүл Үрс Гэрэлт Ирээдүй′ Төрийн бус байгууллага Нярайн инкубатор авах зардлыг санхүүжүүлэхийн тулд энэхүү төслөө нийтэд танилцуулан, олон улсын сайн дурын байгууллагууд, Монголын үндсэний томоохон аж ахуйн нэгжүүдээс болон сайн санаат иргэдээс хандив цуглуулах арга хэмжээнүүдийг 2011 оны 10-р сарын 20-с 2012 оны 4-р сарын 1-н хүртэл авч хэрэгжүүлж инкубатороо захиалан тээвэрлэж 2012 оны 6-р сарын 1-ний өдөр ЭХЭМҮТ, Дутуу нярайн эрчимт эмчилгээний тасагт гардуулах төлөвлөгөөний дагуу ажиллаж байна.

Нярайн инкубаторын чийгшүүлэгчийг 4-р сард нэмж захиалсанаар 5-р сарын 20-нд угсрахад бэлэн болох юм. Өндөр чанартай, цоо шинэ инкубатор нярайн тасагт гардуулан өгөх өдрийг хамтдаа сэтгэл догдлон хүлээж буй та бүхэндээ баярлалаа!

‘Эрүүл Үрс Гэрэлт Ирээдүй′ ТББ-ын Япон дах гишүүн

2011 он
12 сард Япон дах Монголчуудын шинэ жилийн үдэшлэг дээр байгуулагынхаа үйл ажиллагаа, Нярайн инкубатор төслийг танилцуулж дэмжихийг уриалснаар МАЖ шинэ жилийн баярын орлогоос 540,000 төгрөгийн хандив өргөсөн.

2012 он
2-р сард Токио харажуку Ротари клубын ээлжилт уулзалт дээр Нярайн инкубатор төслийн танилцуулга хийж гишүүн Х.Оргилын хамтаар нийт 2,880,000 төгрөгийн хандив цуглуулсан.

4-р сард saveinfants.mn цахим хуудсыг япон хэлээр хөрвүүлэх ажлыг хийж байна.

‘Эрүүл Үрс Гэрэлт Ирээдүй′ ТББ-ын УБ дах гишүүн

2011 он
Нярайн инкубатор төслийн хүрээнд зохион байгуулсан Хүүхдийн гар зургийн уралдааны шилдэг бүтээлүүдээр хийгдсэн 2012 оны хуанлийн дизайн, хэвлэлт, борлуулалтыг хариуцан ажилласан. Үүнд Интерном номын дэлгүүрийн 4 салбараар тусгайлсан тавиур дээр борлуулатыг хийлгэсэн.

2012 он
Нярайн инкубатор төслийн тухай УБ Ротариат клубын уулзалт дээр гишүүн Санжаахандын хамт очиж танилцуулга хийсэн.

Хэд хэдэн байгууллагад танилцуулга хийсний үр дүнд М-СИ-ЭС Кока Кола компаниас 2 сая төгрөгний хандив хүлээн авах ажлыг зохион байгуулсан. Мөн Арева компани 1000 еврогийн хандив өргөх ажлыг одоо хариуцан ажиллаж байна.

Ажлын хамт олон, найз нөхдөө уриалан нийт 540,000 төгрөгийн хандив цуглуулан Нярайн инкубатор төсөлд хувь нэмэр оруулсан.

ЭХЭМҮТ-өөс сурвалжлага хийх ажлыг зохион байгуулж, Үндэсний шуудан өдөр тутмын сонин дээр “Хөндөх сэдэв” буланд А1 хэмжээтэй асуудлыг хөндсөн нийтлэл гаргах ажлыг зохион байгуулсан. Мөн 3 сарын 7-ны өдрийн Үндэсний шуудан өдөр тутмын сонин дээр төслийн талаар мэдээ гаргуулсан.

3 дугаар сард Ройял ТВ дээр гишүүн Эрдэмжаргалыг ярилцлага өгөх ажлыг зохион байгуулсан.

2012 оны төслийн санал бөгөөд бусад холбогдох баримт бичгийн орчуулгыг хийж гүйцэтгэсэн.

2010, 2011 оны 11-р сард Японы Хитоцубаши их сургуулийн фэстивалиар оюутнууд болон эхнэр Д.Ундрахын хамт хуушуур хийж заран, 2010 онд ашиг болох $1200-ийг Хүүхдийн тасагт хяналтын монитор авах төсөлд, 2011 онд 2 сая төгрөгийг Нярайн тасагт инкубатор авах төсөлд туст тус хандивласан.

2012 оны 2-р сард Японы Токио Харажүкү Ротари клубтэй холбоо тогтоон, гишүүн Х.Оргил Г.Солонго нар Нярайн инкубатор төслийн танилцуулгаа хийж 2,880,000 төгрөгийн хандив цуглуулсан.

2012 оны 3-р сард Японы Токио хотын Күнитачи дүүргийн Махоно Ранпу ТББ-тэй холбоо тогтоон тус дүүргийн гадаад оюутнуудыг дүүргийн иргэдтэй холбох зорилготой олон улсын нөхөрлөлийн сонин дээр нийтлэл бичүүлсэн.

Одоогоор Япон улсаас хүүхдийн хувцас болон бичгийн хэрэгсэл гэх мэт зүйлсийг Монголын хилийн заставын хүүхдүүдэд хүргүүлэхээр ажиллаж байна.

Сантранс Монгол ХХК нь 2006 онд байгуулагдсан бөгөөд тээвэр зохион байгуулалт, тээврийн сүлжээний нэгдсэн удирдлагын компани юм. Дэлхийн аль ч өнцгөөс авто зам, төмөр зам, усан зам, агаарын замын аль алинаар хийгдэх тээврийг зохион байгуулахаас гадна Монгол Улсын худалдаа тээврийн нөхцлийг сайжруулах зорилгоор Монгол-Хятадын хилийн 4 гол боомт дээр бүх төрлийн ачааны холимог тээврийн терминаль, гаалийн хяналтын бүс байгуулж байна.

2011 он
Мессэжийн 150601 тусгай дугаарыг хандивын журмаар гэрээг хийж үүсгүүлсэн.

GoGo.mn сайт дээр ТББ-ын ажлын талаар мэдээллийг нийтлүүлдэг.

2012 он
1 сард Нярайн инкубатор төсөлд 240,000 төгрөг хандивлаж байсан.

Уралдаанд оролцсон нийт дэмжигчиддээ маш их баярлалаа! 150601 дугаарт илгээсэн мессэж бүр Нярайн инкубатор төслийг амжилттай хэрэгжүүлэхэд тус нэмэр болох юм.

Уралдааны талаар дэлгэрэнгүй:

2012 оны 3-р сарын 20-23-ны 3 өдрийн турш өдөр бүр бидний зүгээс тавих асуултанд хариулж Сарнайх салоноор үйлчлүүлэх 50,000 төгрөгийн эрхийн азтан болохыг хүсвэл манай уралдаанд оролцохыг бид урьсан билээ.

Оролцогчдын хариулт маргааш нь saveinfants.mn дээр нийтэд харагдах ба бүгдийг зөв хариулсан, өдөр бүрийн зөв хариултуудын илгээсэн огноонуудын нийлбэр нь хамгийн түрүүнд байгаа НЭГ ялагчийг тодруулна. 00 цагаар тасалбар болгох тухайн өдрүүдэд хэд хэдэн хариултууд илгээсэн байвал сүүлийнх нь хүчинтэй. Уралдааны 3 асуулт ба зөв хариултууд:

Aсуулт #1: Манай 2012 онд хэрэгжүүлэх Нярайн инкубатор төсөлд 3-р сарын 20-ны өдрийн байдлаар дэлхийн аль орноос хамгийн олон дэмжигчид хандив өргөсөн бэ? (Монгол улсын дараа)

Хариу: Япон улсаас хамгийн олон дэмжигчид хандив өргөсөн байна.

Aсуулт #2: Манай төслүүдэд хамгийн өндөр хандив өргөсөн хувь хүн болон албан байгууллагын нэрийг бичнэ үү?

Хариу: Хувь хүн- М.Идэрбаатар, Г.Мөнхгэрэл 1 сая төгрөг; Албан байгууллага- MCS Coca-Cola 2 сая төгрөг хандивласан. (Xамт олон- Хитоцубаши их сургуулийн монгол оюутнууд 2 сая төгрөг хандивласан.)

Aсуулт #3: ‘Эрүүл Үрс Гэрэлт Ирээдүй′ ТББ-ийн логог хэн зохион бүтээсэн бэ?

Хариу: ‘Эрүүл Үрс Гэрэлт Ирээдүй‘ ТББ-ийн гишүүн Эрдэнэбат буюу Эрка.

2011 он
Датаком компанитай ярилцаж домэйн нэр www.saveinfants.mn болон веб хостийн үйлчилгээгээр ивээн тэтгүүлэх болсон. saveinfant.mn domain-г gmail-тэй холбож админ эрхийг ТББ-н ТУЗ-н даргад шилжүүлсэн.

‘Эрүүл Үрс Гэрэлт Ирээдүй′ ТББ-г Улсын бүртгэлийн Ерөнхий газарт бүртгүүлсэн.

УБ Tвестивалын залуустай хэд хэдэн удаа уулзаж өөрсдийн ажлын талаар танилцуулсан.
УБ Tвестивал 2011-д оролцож ‘ЭҮГИ’ ТББ-г төлөөөлөн хандив тусламжийг хүлээж авсан.

Central Asian Cement ХХК-с 2,5 тонн цемент хандивлуулах, хандивыг хүлээн авч, ачиж буулгах ажлыг хийсэн.

Харааны бэрхшээлтэй хүүхдийн 116-р сургуульд Орон зайн баримжаа олгох талбайн ажилтай холбоотой барилгын материалын худалдан авалт, зардлыг хариуцан зарцуулж, зохион байгуулсан. Энэ ажлын эхний өдрөөс дуусах хүртэл бүх өдөрт сургуулийн жижүүрүүд, багш, ажилчид, сайн дурын туслагч залуустай талбай дээр хамтран ажилласан.

2012 он
Датаком компанитай ярилцаж 2012 онд домэйн нэр болон веб байршуулах үйлчилгээгээр дахин ивээн тэтгэх болсон.

‘ЭҮГИ’ ТББ үйл ажиллагаа, төслийн талаар имэйлээр төлбөргүй зар тараасан.

LandDrill International, AIDD, ENTREE GOLD, НАБСАН, БАТМЭНД, ҮЛЭМЖ, QGX, ЗАГ, APIP group компанид хандаж Нярайн инкубатор төсөлд хандив тусламж үзүүлэхийг хүсч улмаар НАБСАН, БАТМЭНД, Үлэмж компаниудаас ТББ гишүүн Хандатай хамтран нийт 2 сая төгрөгийн хандив цуглуулсан.

MCS Coca-Cola дээр ТББ гишүүн Хулантай хамт очиж 2 сая төгрөгийн хандивын гэрээнд гарын үсэг зурсан.

Eagle TV, NTV, Эх Орон ТВ, Mongol HD, Тойм сэтгүүлийн студи, ROYAL TV сувгуудаар ТББ гишүүд Туяасайхан, Баясгалан, Хулантай хамтран үйл ажиллагааныхаа талаар ярилцлага өгсөн.

10-р сард нийт 30,000 гаруй монгол гишүүдтэй 200 гаруй Yahoo groups сүлжээнд бүртгүүлж Нярайн инкубатор төслийн танилцуулгыг илгээсэн.

11-р сард Хитоцубаши их сургуулийн оюутнуудын хамт 2 дах удаагаа хуушуур хийж заран орлого болох 2 сая төгрөгийг Нярайн тасагт инкубатор авахад хандивласан.

12-р сард япон дах монголчуудын холбоо МАЖ-тай холбоо тогтоон шинэ жилийн баярын орлогоос 540,000 төгрөгийн хандив цуглуулсан.

GoGo.mn зэрэг мэдээллийн сайтуудад байгууллагын танилцуулга болон төслүүдийнхээ талаар хэд хэдэн удаа нийтлэл бичсэн.

‘Save Infants-Эрүүл Үрс‘ facebook хуудaс болон info@saveinfants.mn хаягийг хариуцаж ажилладаг.