АНУ-ын ‘Care4Kids Worldwide‘ хэмээх ашгийн бус байгууллагын Нара Thompson-тoй 2010 онд бид холбоо барьсан билээ. Энэхүү байгууллага нь дэлхийн буурай орнуудын асрамжын газрын өнчин хүүхдүүд, мөн гудамжны хүүхдүүдэд хоол унд, хувцас, хичээлийн хэрэгсэл өгөх зэргээр тусладаг байгууллага юм. Cайн дурын төлөөлөгч Чанар Goodrich 2010 оны 3-р сарын 25-нд Монголд очихдоо бидний туслаж байгаа Хүүхдийн эрчимт эмчилгээний тасагт эмчлүүлж буй 22 хүүхдэд бэлэг гардуулан өгч олон эцэг эх, хүүхдүүдийг баярлуулсан юм. Бэлгэнд хүүхдийн халууны шил, дулаан хөнжил, малгай, тоглоом зэрэг зүйлүүд байв. ‘Care4Kids Worldwide’ байгууллагын хамт олонд маш их баярлалаа!!
